Дортмунднинг “Боруссия” клуби бош директори Ханс-Йоахим Ватцке “қора-сариқлар” “Бавария”нинг молиявий устунлиги туфайли Мюнхен клуби билан тенг шароитда рақобатлаша олмаслигини айтди. 

“Бавария” билан маошдаги фарқ 80 миллион евро. Биз улар билан рақобатлаша олмаймиз. Иложи бўлганида, 10 нафар жаҳон даражасидаги футболчи ҳам шартнома имзолаган бўларди. Уларда шунчаки кўпроқ пул бор”, - деди Ватцке.

Эслатиб ўтамиз, 17 турдан кейин “Бавария” ҳисобида 43 очко бор ва жамоа Германия чемпионатида ишончли тарзда пешқадамлик қилмоқда. Дортмунднинг “Боруссия” жамоасида 34 очко бор, клуб эса иккинчи ўриндан жой олган.