Англия терма жамоасининг собиқ бош мураббийи Гленн Ходдл "Эвертон" устози Рафа Бенитес ҳақида фикр билдирди. У шундай дейди:
"Ҳозирда жамоа кўплаб жароҳатлар сабаб тиклана олмаяпти. Асосий футболчилар жамоа сафида эмас. Ҳар қандай клуб асосий футболчиларисиз қийналиб қолади. "Ливерпуль" ўтган мавсумда Ван Дейк ҳамда дарвозабонини йўқотганда қандай ҳолга тушган эди? Шундай экан, олдиндан хулоса қилишга эрта.
АПЛда бундай муаммога қарши фақатгина "Ман Сити" ҳамда "Челси" туриб бера олади деб ўйлайман. Чунки улар заҳираси кучли. Ҳаммада ҳар хил фикр бўлиши табииий, албатта. Аммо раҳбарият Бенитесга вақт бериши керак ва шундай қилмоқда. Мавсумнинг иккинчи қисми жамоа учун яхши ўтади деб ўйлайман".
