Африка Миллатлар кубоги мусобақаси учун айрим қоидалар жорий этилади. Жума куни бўлиб ўтган йиғилишда Африка футбол конфедерацияси мутасаддилари иштирок этишди.

Унда қитъа чемпионатини стадиондан туриб томоша қилиш учун ишқибозлар тўлиқ эмланган бўлиши кераклиги айтилди. Шундай қилиб 9 январда старт оладиган мусобақа учун фақатгина тўла эмланган ва негатив тест натижасига эга бўлган мухлисларгина стадионга киритиладиган бўлди.

Ушбу ҳодиса аслида 2021 йилда бўлиб ўтиши керак эди. Аммо пандемия сабаб бир йилга қолдирилган. Чемпионат 9 январь куни мезбон Камерун ҳамда Буркина Фасо ўртасидаги баҳс билан бошланиши белгиланган.