"Манчестер Юнайтед" ҳимоячи Диого Далотнинг ўйинидан мамнун. Жамоа бош мураббийи Ральф Рангник португалиялик футболчини асосий ўйинчи сифатида кўрмоқда. Бу ҳақда журналист Фабрицио Романо Twitterда хабар берди.
Маълумотларга кўра, Италиянинг "Рома" клуби январь ойида футболчи сотиб олмоқчи бўлган, аммо "Манчестер Юнайтед" билан келиша олмаган. Ёзда футболчига Дортмунднинг "Боруссия" клуби қизиқиш билдирганди. Бироқ бу трансфер ҳам амалга ошмаган.
Бу мавсум ҳимоячи "қизил иблислар" сафида жами 9 ўйинда майдонга тушди. Унинг клуб билан амалдаги шартномаси 2023 йилгача амал қилади.