Испаниянинг "Севилья" клуби бош мураббийи Юлен Лопетеги "Барселона"га қарши бўлиб ўтадиган учрашув ҳақидаги фикрлари билан ўртоқлашди.
- "Атлетико"га қарши ўйиндан кейин бизни янада қийинроқ баҳс кутиб турибди. Биз "Барселона"нинг сўнгги вақтлардаги энг яхши версияларидан бирига қарши ўйнаймиз. Улар таркибида жуда яхши ёш футболчилар бор, қолаверса, уларни Хави каби иқтидор бошқармоқда. "Барселона" - биз рақобат қилишни орзу қиладиган жуда кучли жамоа. Нима юз беришини кузатамиз, - Лопетегининг сўзларидан иқтибос келтирмоқда Mundo Deportivo.













