«Манчестер Юнайтед»нинг янги бош мураббийи Ральф Рангник кучайтирилиши керак бўлган позицияни аниқлаб олди.
Британия матбуоти тарқатган хабарга кўра, жамоага яхши савиядаги таянч ярим ҳимоячиси керак. Аввалроқ Уле-Гуннар Сульшер ҳам шундай фикр билдирганди.
Шу боис, «Юнайтед» ўз эътиборини Деклан Райсга қаратди. Аммо «Вест Хэм» уни 100 млн фунт стерлингдан камига қўйиб юбормоқчи эмас.
Нисбатан арзон вариант — «Лейпциг» ярим ҳимоячиси Амаду Айдара. Рангник ушбу футболчини яхши танийди. Шу боис, манкунианликлар унинг трансферини тезда амалга оширишлари мумкин. Айдаранинг нархи тахминан 30 млн еврога тенг.