"Бавария" бошқарув кенгашининг собиқ раиси Карл-Хайнц Румменигге Мюнхен клубининг Дортмунднинг "Боруссия" клуби ҳужумчиси Эрлинг Холандга қизиқиши ҳақидаги миш-мишларга муносабат билдирди.
“Тактик жиҳатдан Левандовски “Бавария”нинг ўйинига 100% мос тушади. Ростини айтсам, Холанд - улкан истеъдод ва ажойиб футболчи. Лекин унинг ўйин услуби Левандовски билан бўлгани каби "Бавария"га ҳам мос келишига 100% ишончим комил эмас.
Албатта, ёш борасида фарқи бор, клуб буни инобатга олиши керак, лекин мен Робертнинг танасини нисбатан яхши биламан ва ишончим комилки, у ҳали икки-уч йил давомида юқори савиядаги футбол кўрсата олади ва кўп, кўп голлар ура олади", - деди клуб афсонаси.
