"Челси" устози Томас Тухель жамоа футболчиси Н'Голо Кантенинг аҳволи ҳақида фикр билдирди. У сўнгги ўйиндаги дурангдан кейин шундай дейди:
"Биз уни(Кантени) 45 дақиқадан ортиқ ўйнатмаслик ҳақида жиддий огоҳлантириш олган эдик. Аммо биз унга майдонда муҳтож эдик ва унга рухсат беришга мажбур бўлдик. Сабаби эса ҳаммага маълум, бизда 7та вирусга чалинган футболчилар бор эди. Мен у учун ҳозир энг муносиб вақт деб ўйламайман. Негаки, Канте ҳали тайёр эмас. У анча толиққан. Таркибимиздаги энг яхши футболчилардан бири ҳозир формада эмас ва биз уни асрашимиз лозим".
Тухель жамоаси кетма-кет дуранг сабаб учинчи ўринда қолиб кетди. Ҳозирда "Челси" ҳамда етакчи "Ман Сити" ўртасидаги фарқ 6 очкони ташкил қилмоқда.