Каталониянинг «Барселона» клуби бош мураббийи Хави жамоа ярим ҳимоячиси Гави билан олиб борилаётган музокараларга фикр билдирди.

Испаниялик футболчининг "Барселона" клуби билан амалдаги шартномаси 2023 йилнинг ёзида якунига етади.

«Биз у билан ҳозироқ шартномани узайтириб олишимиз керак. Агар керак бўлса, ўз чўнтагимиздан бўлса ҳам ёрдам берамиз (кулади). Биз бундай футболчини йўқотишга ҳаққимиз йўқ. У бизнинг келажагимиз пойдеворига айланиши керак. Клуб бу борада жуда яхши ишлаётганини биламан. Бу клуб учун жуда муҳим.

Қўл остингда бундай футболчининг ўйнаши - мўъжиза. У жуда яхши курашади ва хавфли вазиятларни яратади. Голлар киритади, голли узатмаларни амалга оширади. Жуда яхши таасуроот қолдирмоқда. Гави – «Барселона»нинг келажаги. Бундай футболчилар мураббийлар учун бебаҳо саналади», – деди Хави.