Kataloniyaning «Barselona» klubi bosh murabbiyi Xavi jamoa yarim himoyachisi Gavi bilan olib borilayotgan muzokaralarga fikr bildirdi.
Ispaniyalik futbolchining "Barselona" klubi bilan amaldagi shartnomasi 2023 yilning yozida yakuniga yetadi.
«Biz u bilan hoziroq shartnomani uzaytirib olishimiz kerak. Agar kerak bo‘lsa, o‘z cho‘ntagimizdan bo‘lsa ham yordam beramiz (kuladi). Biz bunday futbolchini yo‘qotishga haqqimiz yo‘q. U bizning kelajagimiz poydevoriga aylanishi kerak. Klub bu borada juda yaxshi ishlayotganini bilaman. Bu klub uchun juda muhim.
Qo‘l ostingda bunday futbolchining o‘ynashi - mo‘’jiza. U juda yaxshi kurashadi va xavfli vaziyatlarni yaratadi. Gollar kiritadi, golli uzatmalarni amalga oshiradi. Juda yaxshi taasuroot qoldirmoqda. Gavi – «Barselona»ning kelajagi. Bunday futbolchilar murabbiylar uchun bebaho sanaladi», – dedi Xavi.