«Арсенал» собиқ яримҳимоячиси Виллиан Лондон клубини нима сабабдан тарк этгани ҳақида гапирди.
«Мен Лондонда бахтли эмас эдим. Шунинг учун қониқарли ўйин кўрсатишим учун етарли вақт бўлмади.
У ерга биринчи бор келганимда, хурсанд бўлгандим. Менда мотивация бор эди, ўзимни яхши кўрсатишни хоҳлардим – янги клуб, янги ҳамкорлар, янги лойиҳалар.
3 ойдан кейин агентимга шуларни айтдим: «Илтимос, мен кетмоқчиман». Мен бу клуб ҳақида гапиришни истамайман, чунки бу узоқ тарихга эга клуб, лекин ҳаммаси нотўғри кетди.
Шубҳасиз, фаолиятимдаги энг оғир давр эди», - дейди Виллиан.
