"Ювентус" бош директори Маурицио Арривабене ҳимоячи Маттейс де Лигт ва ҳужумчи Пауло Дибаланинг Турин клубини тарк этиши мумкинлиги ҳақида гапирди.
"Ҳозирги кунларда кўплаб футболчилар клубдан кўра ўз агентларига содиқроқ. Дибала "Ювентус"нинг кучли ўнлигига киради, Де Лигт эса ажойиб ҳимоячи. Футболчилар ўз ишини, клуб ўз ишини қилишлари керак. Лекин биз яхши тушунамиз. “Ювентус”нинг рангларини қанчалик қадрлашинг ҳақида гапириш осон, лекин буни майдонда исботлашинг керак. Биз Де Лигт ва Дибала буни майдонда исботлашини истаймиз”, - деди Арривабене.
