Жиззах шаҳридаги “Сўғдиёна” спорт мажмуасида футзал бўйича мамлакат чемпионатининг 4-тур ўйинлари старт олди. Уч кун давом этадиган мусобақанинг дастлабки кунги ўйинлари қизиқарли, томошабоп ўтди.
АГМКга қарши тўп сурган “Насаф” биринчи бўлиб ҳисобни очганди, бироқ якунда битта тўп фарқи билан мағлубиятга учради. “Бунёдкор” ва “Ҳуахин-Жиззах” учрашувининг биринчи бўлимида кучлар тенг келаётганди. Иккинчи бўлимда ака-ука Чориев ва Раҳматовнинг голлари эвазига жиззахликлар ҳисобда илгарлаб кетишди. “Қалдирғочлар”га ҳатто жиззахликларнинг моҳир ҳужумчиси Ихтиёр Ропиевнинг ўз дарвозасини “нишонга олиши” ҳам фойда бермади.
“Максам-Чирчиқ” ва “Металлург” жамоалари баҳсида ҳар иккала томондан ўз дарвозасини ишғол этиш холатлари кузатилди, якунда эса бекободликлар йирик ҳисобда устунликка эришишди. Чемпионат бошлангандан буён бирорта ҳам очко ишлай олмаган зарафшонликлар “қора анъанасини” яна давом эттиришди – “Пахтакор” жамоасига бешта тўп фарқи билан мағлуб бўлишди.
Футзал. Олий лига
Жиззах. “Сўғдиёна” с.м. 4-тур.
Биринчи кун. 22 декабрь, чоршанба
АГМК – НАСАФ – 3:2 (0:1)
Ҳакамлар: Ҳусан Музаффаров, Зиёвуддин Эркинов, Жаҳонгир Аллаев
Назоратчи: Шерқул Аллаев
Комиссар: Рустам Зупаров
Голлар: Давлат Иброҳимов (31), Музаффар Аҳаджонов (32), Артур Юнусов (34) – Мамашариф Халимов (7), Жасур Халимов (38)
Огоҳлантиришлар: Даврон Валижонов (28) - Ойбек Полвонов (25), Хуршид Раҳмонов (28), Жасур Халимов (37).
ПАХТАКОР – СТРОИТЕЛЬ-ЗАРАФШОН – 7:2 (4:1). 24 томошабин.
Ҳакамлар: Султонмурод Абдураҳмонов, Жаҳонгир Аллаев, Ҳусан Музаффаров
Назоратчи: Шерқул Аллаев
Комиссар: Жамшид Имамов
Голлар: Муҳаммад Зоиров (2), Дилшод Ирсалиев (3, 4, 20), Шоислом Шобаҳромов (27), Заҳриддин Абдувалиев (32), Шерзод Мустафоев (34) – Равшан Толибов (5, 33)
Огоҳлантиришлар: Шоислом Шобаҳромов (20), Акмал Элмуродов (40) – Жасур Ҳайдарқулов (24).
БУНЁДКОР – ҲУАХИН-ЖИЗЗАХ – 2:4 (1:1). 234 томошабин.
Ҳакамлар: Анатолий Рубаков, Шавкат Муҳитдинов, Аскарбай Арзибеков
Назоратчи: Бахтиёр Намозов
Комиссар: Жамшид Имамов
Голлар: Муҳаммадбобур Раҳмонбердиев (17) – Илҳомжон Ҳамроев (14), Даврон Чориев (33, 37), Дилшод Раҳматов (36), Ихтиёр Ропиев (37-ўз дарв.)
Огоҳлантириш: Йўқ – йўқ.
МАКСАМ-ЧИРЧИҚ – МЕТАЛЛУРГ – 3:6 (1:2). 56 томошабин.
Ҳакамлар: Аскарбай Арзибеков, Фарруҳ Музаффаров, Никита Афиногенов
Назоратчи: Бахтиёр Намозов
Комиссар: Жамшид Имамов
Голлар: Одилжон Асамов (7), Тимур Тўрақулов (38-ўз дарв.), Ҳусанхон Ғаниев (40) – Илҳом Ражабов (6), Фарҳод Қодиров (11), Санжар Зиёхонов (21, 38), Улуғбек Худоёров (27), Махсуд Файзуллаев (32-ўз дарв.)
Огоҳлантиришлар: Тимур Тўрақулов (20), Ҳусанхон Ғаниев (33) – йўқ.
