Италиянинг «Интер» клуби бош мураббийи Симоне Индзаги А Сериянинг 19-тур доирасида «Торино» (1:0) устидан қўлга киритилган ғалаба ҳақидаги фикрлари билан ўртоқлашди.
«Бу биз учун муҳим ўйин эди, шу сабабли, ўйинга жиддий тайёргарлик кўрдик. Биз«Торино»ни қандай прессингда ўйнашини билардик, ўйин борасида улар бизга ҳалақит беришини билардик, лекин биз таваккалчиликка қўл урмасдан, ўйинни яхши ўтказдик.
Йилни мана шундай тарзда якунлаганимиздан хурсандмиз. Энди биз ҳам жисмоний, ҳам руҳий томондан тикланишимиз керак.
Ҳозирда «Интер» А Серияда фаворит деб айтиш осон, лекин июль ойида ҳаммаси бошқача бўлганини эслайман. Йигитлар яхши меҳнат қилишди», – деди Индзаги.