"МЮ" футболчиси Брендон Уиллямс келажаги ҳақида фикр билдирди. У ўз интервьюсида шундай дейди:
"Менга нега жамоадан кетганлигим ҳақидадаги саволни кўп беришади. Аммо бу менинг фаолиятим ва мен ўзимга нима кераклигини яхши биламан. Мен ҳозирда "МЮ"да нима бўлаётганига эътибор бераётганим йўқ. Мен у ерда бўлишга ҳам қизиққаним йўқ. Чунки ҳозир мен "Норвич"даман. Бу менинг касбим ва мен қаерда бўлишдан қатъий назар жамоам шарафини ҳимоя қилишга мажбурман. Буни яхши биламан. Келаси ёзда "МЮ"га қайтаман. Кейин нима бўлишини ўйлаб кўрамиз".
Эслатиб ўтамиз, Уиллямс "МЮ" тарбияланувчиси ҳисобланади. У ўтган ёзда "Норвич"га ижарага берилган эди.
