"Барселона"нинг бразилиялик ҳужумкор ярим ҳимоячиси Филиппе Коутиньо клубдан кетиш ёки кетмаслик борасида қарор қабул қилолмаяпти.

"Mundo Deportivo" нашри хабарига кўра, футболчи Қатарда бўлиб ўтадиган ЖЧ-2022 баҳсларига тайёр бўлиш учун клубдан кетиши керак. Унинг бошқа жамоага ўтишига эса юқори маоши тўсқинлик қилмоқда.

Агар футболчи фаолиятини бошқа жамоада давом эттиришга қарор қилса, унинг учун "Ньюкасл" ва "Тоттенхэм" асосий даъвогар бўлиб турибди. Коутиньони ўзи эса "шпорлар" вариантини яхшироқ ўрганиб чиқиш ниятида.

Жорий мавсумда 29 ёшли Филиппе Ла Лиганинг 12 ўйинида майдонга тушиб, 2 бор рақиблар дарвозасини ишғол қилди.