Осиё чемпионлар Лигаси-2012нинг гуруҳ босқичи 2-турида бугун Жанубий Кореянинг Поханг шаҳридаги "Стилярд" сатдионида маҳаллий "Поханг Стилерс"га қарши майдонга тушган "Бунёдкор" сафардан муҳим ғалаба билан қайтмоқда.

27-дақиқада Ян Козакнинг тўп оширишидан Лутфулло Тўраев дарвозабон билан деярлди яккама-якка чиқиб бориб ҳисобни очди.

Иккинчи бўлимнинг 77-дақиқасида Камолиддин Мурзоев иккинчи голни киритиб, мезбонларни қийин аҳволга солиб қуйди. Ўйиннинг қолган қисмида "Бунёдкор" тартибли ҳимояланиб, ўз даврозасидан гол ўтказмади.

Ушба ғалабадан сўнг "Бунёдкор" 3 очко жамғариб, ўзаро ўйин натиждасига кўра, гуруҳда иккинчи ўринга кўтарилиб олди. Гуруҳда эса очколари сонини 6 тага етказган "Аделаида Юнайтед" пешқадамлик қилмоқда. Бугун улар ўз майдонида "Гамба Осака" устидан худди шу ҳисобда зафар қучишган.

Осиё чемпионлар Лигаси-2012. "Е" гуруҳи. 2-тур.

ПОХАНГ СТИЛЕРС – БУНЁДКОР 0:2 (0:1)
Голлар: Лутфулло Тўраев (27), Камолиддин Мурзоев (77)
ПОХАНГ СТИЛЕРЗ: Шин Хва-Йон, Ким Кван-Сук, Хван Чжин-Сун, Вон-Ил, Ким Тэ-Су (Ким Чан-Хёи, 83), Хон-Юн, Шин Кван-Хун, Му-Юл, Шин Хюн-Мин (с), Чан-Хо (Пак Сун Хо, 74), Ианис Зику (Но Бюн Чжу, 52)
БУНЁДКОР: И.Нестеров, Х.Каримов, А.Ғофуров, Д.Карни (Э.Кенжесариев, 89), Ш.Саломов (Р.Мельзиддинов, 90+3), Л.Тўраев, А.Филипосян, К.Мурзоев (А.Солиев, 90+3), В.Карпенко (с), С.Жўраев, Я.Козак
Огоҳлантириш: Вон Ил (23)

АДЕЛАИДА ЮНАЙТЕД – ГАМБА ОСАКА 2:0 (2:0)
Голлар: Ли Сунг-Рюл (17-автогол), Маллен (24)

"E" ГУРУҲИ