"Арсенал" афсонаси жамоа ҳужумчиси ва собиқ сардори Обамеянгнинг клубни тарк этишига муносабат билдирди. У бу ҳақида шундай дейди:
"Мен уни ким олади деган саволга жавоб топа олмадим. Унинг сардорликдан айрилгани ёки ўйнамаётгани футболчи учун муаммо туғдирмайди. Негаки, унда жуда қулай ва катта маошли шартнома мавжуд. "Арсенал" учун эса бу катта муаммо. Ким Обамеянгга биз бераётган маош каби тўлов қилади? Менимча, ҳеч бир клуб. Шунинг учун буни "Арсенал" ҳамда Артета учун муаммо деб айтаяпман".
Эслатиб ўтамиз, 32 ёшли ҳужумчи жамоасининг сўнгги 4та баҳсида майдонга туширилмади.
