Ла Лигада кеча бир қатор учрашувлар бўлиб ўтди. Ушбу ўйинларга оид қизиқарли факт ва статистикалар билан танишинг.

– “Атлетико” Ла Лиганинг кетма-кет тўртта ўйинида мағлубиятга учради. Бунақаси Диего Симеоне даврида илк бор кузатилди;

– Тони Кроос 2014/15 йилги мавсумдан ҳозирга қадар 77 та голли узатма амалга оширди. Бу мазкур даврдаги энг яхши кўрсаткич ҳисобланади;

– “Атлетико” 1973 йилдан бери илк бор “Гранада”га мағлуб бўлди ва ушбу жамоага қарши 25 ўйиндан иборат мағлубиятсиз сериясига якун ясади;

– “Реал” кетма-кет 15 ўйиндан бери ютқазмаяпти. Сўнгги бор Анчелотти шогирдлари октябрь ойида мағлуб бўлганди;

– Луис Суарес кетма-кет 10 ўйиндан бери самарали ҳаракат амалга ошира олмади. У сўнгги бор 7 ноябрь куни гол урганди.