La Ligada kecha bir qator uchrashuvlar bo‘lib o‘tdi. Ushbu o‘yinlarga oid qiziqarli fakt va statistikalar bilan tanishing.
– “Atletiko” La Liganing ketma-ket to‘rtta o‘yinida mag‘lubiyatga uchradi. Bunaqasi Diyego Simeone davrida ilk bor kuzatildi;
– Toni Kroos 2014/15 yilgi mavsumdan hozirga qadar 77 ta golli uzatma amalga oshirdi. Bu mazkur davrdagi eng yaxshi ko‘rsatkich hisoblanadi;
– “Atletiko” 1973 yildan beri ilk bor “Granada”ga mag‘lub bo‘ldi va ushbu jamoaga qarshi 25 o‘yindan iborat mag‘lubiyatsiz seriyasiga yakun yasadi;
– “Real” ketma-ket 15 o‘yindan beri yutqazmayapti. So‘nggi bor Anchelotti shogirdlari oktyabr oyida mag‘lub bo‘lgandi;
– Luis Suares ketma-ket 10 o‘yindan beri samarali harakat amalga oshira olmadi. U so‘nggi bor 7 noyabr kuni gol urgandi.
