“Манчестер Юнайтед” январь ойида ҳужумчи Эдинсон Каванини қўйиб юбориш ниятида эмас. Бу ҳақда Британия ОАВлари хабар бермоқда.
Каванининг “Манчестер Юнайтед” билан шартномаси 2022 йилнинг ёзига қадар мўлжалланган. “Олд Траффорд” эгалари Эдинсон шартномасининг охирги кунигача жамоада қолишини истамоқда.
Эслатиб ўтамиз, “Барселона” Кавани учун фаол курашмоқда. Британиялик журналистларнинг ёзишича, футболчининг ўзи ўйин амалиёти камлиги туфайли “Манчестер Юнайтед”ни тарк этишни истаяпти.