"Барселона" Усмон Дембеле билан янги шартнома шартлари бўйича тўлиқ келишувга эришди.
"Diaro Sport" нашри маълум қилишича, 24 ёшли футболчи келаси ҳафта клуб билан маоши кескин қисқартирилган 5 йиллик шартнома имзолайди. Маълумотларга кўра, Дембеленинг клубда қолиш истаги шартнома имзоланишида асосий омил бўлган.
Маълумот учун, Усмоннинг Каталония клуби билан амалдаги шартномаси 2022 йилнинг 30 июнига қадар мўлжалланган. 2021/22 йилги мавсумда Дембеле "Барселона" сафида барча турнирларда 7 та ўйин ўтказди ва 2 та голли узатмани амалга оширди.
