"Barselona" Usmon Dembele bilan yangi shartnoma shartlari bo‘yicha to‘liq kelishuvga erishdi.

"Diaro Sport" nashri ma’lum qilishicha, 24 yoshli futbolchi kelasi hafta klub bilan maoshi keskin qisqartirilgan 5 yillik shartnoma imzolaydi. Ma’lumotlarga ko‘ra, Dembelening klubda qolish istagi shartnoma imzolanishida asosiy omil bo‘lgan.

Ma’lumot uchun, Usmonning Kataloniya klubi bilan amaldagi shartnomasi 2022 yilning 30 iyuniga qadar mo‘ljallangan. 2021/22 yilgi mavsumda Dembele "Barselona" safida barcha turnirlarda 7 ta o‘yin o‘tkazdi va 2 ta golli uzatmani amalga oshirdi.