Португалиялик мутахассис Жозе Моуриньо Африка терма жамоаларидан бирини бошқариши мумкин. ОАВ хабарларига кўра, “SpecialOne” хизматларига Нигерия терма жамоаси қизиқиш билдирмоқда. Бу ҳақда Нигерия футбол федерацияси раҳбари Амаджу Пинник журналистлар билан суҳбатда айтиб ўтди.
“Биз асосий этиборни мураббийнинг совринларни ютиш истагига қаратамиз. Биз аллақачон Младен Крстаич, Жозе Пезейру ва Жозе Моуриньо билан музокараларни бошлаб юборганмиз”, деди футбол федерацияси президенти.
Эслатиб ўтамиз, 58 ёшли португалиялик “Рома”нинг устози ҳисобланади. Унинг Рим клуби билан шартномаси 2024 йилнинг ўрталарига қадар тузилган.
