Мадриднинг “Реал” клуби Килиан Мбаппе ва Эрлинг Холандга асосий даъвогарлардан бири ҳисобланади. “Қаймоқранглилар” мураббийи Карло Анчелотти эҳтимолий трансферлар ҳақида ўз фикри билан ўртоқлашди.
“Агар иккаласи ҳам бизнинг жамоада ўйнашни истаса, клуб буни муҳокама қилишга тайёр. Лекин, ҳозирча ҳозирги футболчилар ва асосий таркибга қўшиладиган ёшлар билан кўплаб режаларим бор. Ишончим комилки, “Реал” бундан кейин ҳам юқори даражадаги футболчиларни сотиб олади”, - дея фикр билдиради италиялик мураббий.
Қайд этиш керакки, Мбаппе “қироллик клуби”нинг устувор мақсади ҳисобланади. Мадриднинг “Реал” клуби ушбу мавсум охирида франциялик футболчини текинга қўлга киритиши мумкин.
