"Реал Мадрид" 2022 йил ёзги трансфер ойнасида жамоани жиддий равишда кучайтириш ниятида. Клуб президенти жамоага кучли ярим ҳимоячи олиб келишни режалаштирмоқда.
"DefensaCentral" нашри хабарига кўра, "Қироллик клуби" аллақачон "Аякс"нинг 19 ёшли ярим ҳимоячиси Раян Гравенберхнинг трансфери устида ишламоқда.
Манба берган хабарга кўра, "қаймоқранглилар" айни дамда нидерландиялик ярим ҳимоячининг агенти Мино Райола билан тахминий трансфер юзасидан боғланган.
Маълумот учун, футболчининг Амстердам клуби билан шартномаси 2023 йилнинг ёзига қадар тузилган.
Жорий мавсумда Гравенберх Нидерландия чемпионатида 18 та ўйин ўтказиб, 1 та гол урди ва 2 та голли узатмани амалга оширди.
