"Реал Сосьедад"нинг бельгиялик вингери Аднан Янузай фаолиятини бошқа жамоада давом эттириши кутилмоқда.
"Calciomercato" хабарига кўра, бельгиялик ярим ҳимоячининг фаолиятини январдаёқ бошқа жамоада давом эттириши мумкин. Янузайга ҳозирда "Барселона" ва "Вест Хэм" клублари қизиқиш билдирмоқда.
Маълумот учун, 26 ёшли Аднан Янузай 2017 йилнинг ёзидан буён испан жамоасида тўп сурмоқда.
Жорий мавсумда ярим ҳимоячи барча турнирларда 25 та ўйинда майдонга тушиб, 2 та гол урди ва 2 та голли узатмани амалга оширди. Футболчининг “Реал Сосьедад” билан шартномаси жорий мавсум охирида якунига этади.