Каталониянинг "Барселона" клуби ҳужумчиси Люк де Йонг яқин вақтлар ичида фаолиятини бошқа жамоада давом эттириши ҳақида расмий хабар берилади. Бу ҳақда Mundo Deportivo нашри хабар тарқатмоқда.
Нидерландиялик 31 ёшли ҳужумчининг кейинги жамоаси - Испаниянинг "Кадис" клуби бўлади.
Ҳуқуқий жиҳатдан "Севилья" клубига тегишли бўлган де Йонг борасида "Барселона" 2022 йилнинг 30 июнь санасигача тузилган ижара шартномасини муддатдан олдин бузиш ҳақида сўраган.
Шу тариқа, нидерландиялик футболчи мавсумнинг қолган қисмини "Кадис" таркибида ижара асосида ўтказади.
Жорий мавсум Люк Ла Лигада 9 та учрашувда майдонга тушиб, 1 та гол киритди.