"Барселона" ҳужумчиси Юсуф Демир жамоани тарк этади, деб хабар беради "Marca".
Австриялик футболчи "Венна Рапид" клубидан ижара асосида каталонияликлар сафига келиб қўшилган эди. У жамоа учун тўққизта ўйин ўтказди. Агар у ўнинчи марта майдонга тушса, "Барса" уни 10 миллион еврога сотиб олишга мажбур бўлади. Каталония клуби бу вариантдан фойдаланмоқчи эмас. Клуб Демирдан ўзига янги жамоа қидиришни сўради, чунки у бошқа майдонга тушмайди.
18 ёшли футболчининг "Барса" билан шартномаси мавсум охирида тугайди. Рапид билан шартнома эса 2023 йилнинг 30 июнига қадар амал қилади.
