"Женоа" ҳимоячиси Доменико Кришито "Торонто"га ўтишдан бош тортди, дея хабар беради журналист Николо Скира.
Манбага кўра, 34 ёшли италиялик МЛС клубининг икки йиллик таклифини рад этган. У Генуя клубида қолиш ниятида. Ҳимоячи айни дамда "Женоа" сардори ҳисобланади.
Маълумот учун, Кришито – жамоа тарбияланувчиси. Жорий мавсумда Кришито А Серияда 15 та ўйинда майдонга тушиб, 5 та гол урди ва голли узатмани амалга оширди.