"Истиқлол" - "Насаф"ўйинидан кейинги (0:0) матбуот анжуманида дастлаб “Насаф” бош мураббийи Рўзиқул БЕРДИЕВ иштирок этди. 

-Бугунги ўйин учун футболчиларимга миннатдорчилик билдираман. Улар ўйин олдидан берилган кўрсатмамизни тўлиқ бажаришди. Жамоамиз ташкилий томондан анча яхши ўйин кўрсатди. Биз ютуққа ҳақли эдик. Сабаби шогирдларимда рақибга нисбатан ўйинда ғолиб чиқиш учун имконият кўпроқ бўлди.

-Жамоангизнинг гуруҳдаги имкониятларини қандай баҳолайсиз?

-Ҳозирча эндигина иккита ўйин ўтди. Менимча кейинги босқичга чиқишда ҳаммада имконият бор. Илк турда вазиятлардан фойдалана олмадик ва мағлуб бўлгандик. Жамоамиз ўйиндан ўйинга очилиб бораяпти ва бу мени хурсанд этаяпти. Кейинги ўйинларда янаям яхшироқ ўйнаб, керакли очколарни қўлга киритамиз, насиб этса. Бугунги рақибмиз “Истиқлол”га ҳам кейинги ўйинларига омад тилайман. Биз уларнинг нималарга қодирлигини билардик. Рақибни яхши ўргандик ва ўша энг асосий чизиқларни ёпишга ҳаракат қилдик... Сўзим охирида Наврўз байрами билан билан барчани табриклайман.