"Ливерпуль" футболчиси Трент Александр-Арнольд Эден Азар ҳақида фикр билдирди. У ўз интервьюсида шундай дейди:
"У АПЛда жудаям тезкор ҳамда техникали эди. Унда заиф нуқталар бўлмаган деб ҳисоблайман. Азар ўз ўйинини мукаммал даражага олиб чиқа олган футболчи. У билан тўқнаш келганимда унинг устунлигини дарров сезар эдим. Боз устига, бошқа футболчилар ҳам буни яхши билишган. Шу сабаб унга қарши ўйнаш ҳеч қачон осон кечмаган. У мен учун энг кучли футболчилардан бири бўлиб қолаверади".
Маълумот ўрнида шуни айтиш жоизки, Эден Азар "Челси" сафида жами 352та баҳсда қатнашиб, 110та голга муаллифлик қилган эди.
