Испания чемпионати 29-турида "Барселона"-"Гранада" учрашувидан сўнг каталонияликлар устози Хосеп Гвардиола Мессининг ўйинига баҳо берди.
"Мессининг ҳаммадан кўп гол уриш мақсади йўқ. У шунчаки ҳар томонлама энг яхши ўйинчи холос. У майдонда ҳар нарса қила олади, бунинг устига ҳар уч кунда. Унинг ютуқларини камситаётганларга менинг раҳмим келади. У шубҳасиз энг яхши.
Ўйинга келадиган бўлсак, жамоани ажойиб ўйин билан табриклайман ва албатта Мессини рекорд билан. 24 ёшда клуб тарихига кириш катта натижа. У "Барса"да ўйнашни давом эттирса, яна кўплаб голлар киритади ва абадий рекорд ўрнатади", дея унинг сўзларидан иқтибос келтиради AS.