Лондоннинг “Тоттенхэм” клуби “Милан” футболчиси Франк Кесси учун курашда пешқадамлик қилмоқда. Инглиз нашрларининг хабарига кўра, футболчи учун курашда лондонликларнинг имконияти бошқаларга қараганда юқорироқ.
“Тоттенхэм” Кессига йилига 10 миллион евро ва бонуслар билан йиллик маош таклиф қилмоқда. “Милан” эса Франкга “шпорлар” таклиф қилган суммани тўлашга қодир эмас.
Франкнинг Милан клуби билан шартномаси мавсум охирида якунига етади. Ивуарлик футболчи “россонерилар” билан янги шартнома имзолаш ниятида эмас. Шу сабаб Кесси қишда Антонио Конте жамоасига ўтиш эҳтимоли юқори.
