Қишки трансфер ойнаси бир ҳафта ичида очилади ва “Челси” ҳимоячиси Андреас Кристенсен ҳали ҳам келажаги ҳақида бир қарорга келмаган. Данияликнинг шартномаси келаси ёзда тугайди, бироқ клуб билан музокаралар томонлар учун жуда қийин кечмоқда.
Бироқ, футболчи Чемпионлар лигасининг амалдаги соҳибида қолиши эҳтимоли юқори эмас. Маҳаллий “Sport” нашри хабарига кўра, Кристенсен “Барселона”га ўтишни хоҳламоқда, аммо каталонияликлар молиявий қийинчиликлар туфайли футболчини сотиб олишга қурби етмайди.
Натижада футболчи испанлардан якуний қарорни тезроқ қабул қилишни сўради. Агар “Барселона” Кристенсенни сотиб олиш фикридан қайтса, у “Челси”нинг шартларига кўнишга тайёр ва “кўклар” сафида ўйнашда давом этишга тайёр бўлади.
