"Whoscored" статистик портали маълумотларига кўра, Россия чемпионатининг жорий мавсуми биринчи даврасидаги ўйинларда ўртача балл тўплаш бўйича "Зенит" ҳужумчиси Малком етакчилик қилмоқда. Бразилиялик футболчи мавсумнинг биринчи қисмини ўртача 7,50 балл билан якунлади.
Иккинчи ўринда Малкомнинг жамоадоши ярим ҳимоячи Клаудиньо - 7,46 балл. Кучли учликни 7,43 балл билан Себастиан Шиманьски (“Динамо”) якунлаб берди.
Кучли ўнликка, шунингдек, Реми Кабелла (“Краснодар”), Артем Дзюба (“Зенит”), Матео Кассьера ("Сочи"), Кристиан Нобоа (“Сочи”), Арсен Захарян (“Динамо”), Илья Самошников (“Рубин”) ва Данил Глебов (“Ростов”) кирди.
