Англиянинг «Манчестер Юнайтед» ҳужумчиси Эдинсон Кавани фаолиятини Бразилиянинг «Коринтианс» клубида давом эттириши мумкинлиги ҳақида Globo Esporte нашри хабар бермоқда.
Қайд этилишича, «Коринтианс» Каванига «Барселона» таклиф қилаётган маошдан кўпроқ пул ваъда қилиб, уругвайлик футболчини ўзлари томон оғдириб олиш ниятида.
Кавани ўтган йилнинг октябрь ойида «Манчестер Юнайтед»га келиб қўшилганди. Жорий мавсум якунида у эркин агентга айланади. 2022 йилнинг 1 январидан эса бошқа клублар билан музокара олиб бориш ҳуқуқига эга.