"Реал Мадрид" бош мураббийи Карло Анчелотти жамоа ҳужумчиси Карим Бенземанинг ҳозирги спорт формаси ҳақида гапирди:
"Мен уни дунёдаги энг яхши ҳужумчи деб биламан. Чунки унинг ўйини исталган жамоа ҳужумига мисли кўрилмаган куч беради. Унинг дарвозани кўзлаш қобилияти жуда юқори. Бенземани бемалол Роналду ёки Холанд даражасидан дейиш мумкин. У исталган пайтда ўйинни ўзгартириб юбора олади. Биз буни "Атлетик"ка қарши баҳсда ҳам яна бир бор гувоҳ бўлдик. Унинг ҳозирги формаси таҳсинга сазовар".
Ҳозирда қироллик клуби Испания чемпионатида ўзининг энг яқин таъқибчисидан 8 очко фарқ билан етакчилик қилмоқда.
