"Ювентус" ҳимоячиси Маттейс де Лигтга "Тоттенхэм", "Барселона" ва ПСЖ қизиқиш билдирмоқда, деб хабар беради Calciomercato.com.

Манба берган хабарга кўра, 22 ёшли нидерландиялик футболчининг агенти Мино Райоланинг мижози яқин орада клубини ўзгартириши мумкинлиги ҳақида айтган сўнгги сўзлари "Ювентус" раҳбарларини безовта қилиб қўйган.

Турин клуби ҳимоячини қўйиб юбормоқчи эмас. Маълумот учун, Де Лигт клубдаги энг юқори маош оладиган ўйинчи ҳисобланади - 12 миллион евро. Шу билан бирга, туринликлар ҳимоячининг трансфери учун "Аякс"га 75 миллион евродан 30 миллионини ҳалигача тўламаган.

Жорий мавсумда ҳимоячи “Ювентус” сафида 20та ўйинда майдонга тушиб, битта гол урган.‌‌