Англия чемпионатининг 19-туридан ўрин олган «Манчестер Сити» ва «Лестер» жамоалари ўртасидаги ўйин голларга бой бўлди.

"Шаҳарликлар" биринчи бўлимнинг дастлабки 15 дақиқасида ичида рақиб дарвозасига 4та тўп киритишди. Гол муаллифлари — Кевин де Брюйне, Риёд Маҳрез, Илкай Гюндоган ва Раҳим Стерлинг.

Иккинчи бўлимда эса тулкилар қандайдир 10 дақиқа ичида "Сити" дарвозасига 3 марта йўл топиб, деярли камбэкни амалга оширишди. Гол муаллифлари — Жеймс Мэддисон (55-дақиқа), Адемола Лукман (59), Келечи Ихеаначо (65).

Кейин эса Гвардиола жамоаси 2та гол уриб, ўйин тақдирини ҳал қилишди. 69-дақиқада Эмерик Лапорт ўйиндаги жамоасининг бешинчи голини урган бўлса, 87-дақиқада эса Раҳим Стерлинг "дубл"ни расмийлаштирди.

"Манчестер Сити" ушбу ғалабадан сўнг ўз очколарини 47тага етказиб, пешқадамликни мустаҳкамлади.

АПЛ, 19-тур
Манчестер Сити – Лестер 6:3 (4:0, 2:3)
Голлар: 1:0 – 5 де Брюйне, 2:0 – 14, пенальти Маҳрез, 3:0 – 21 Гюндоган, 4:0 – 25, пенальти Стерлинг, 4:1 – 55 Мэддисон, 4:2 – 59 Лукман, 4:3 – 65 Ихеаначо, 5:3 – 69 Лапорт, 6:3 – 87 Стерлинг.
Манчестер Сити – Эдерсон, Жоау Канселу, Лапорт, Рубен Диаш, Зинченко, Фернандиньо, Гюндоган, де Брюйне (Фоден, 71), Бернарду Силва, Стерлинг, Маҳрез.
Лестер – Шмейхель, Вестергор, Амарти, Томас, Тилеманс (Чоудури, 71), Мэддисон, Дьюзбери-Холл, Олбрайтон, Перес (Кастань, 46), Ихеаначо, Лукман.
Огоҳлантиришлар: Вестергор (45), Мэддисон (75), Фернандиньо (90).