Angliya chempionatining 19-turidan o‘rin olgan «Manchester Siti» va «Lester» jamoalari o‘rtasidagi o‘yin gollarga boy bo‘ldi.

"Shaharliklar" birinchi bo‘limning dastlabki 15 daqiqasida ichida raqib darvozasiga 4ta to‘p kiritishdi. Gol mualliflari — Kevin de Bryuyne, Riyod Mahrez, Ilkay Gyundogan va Rahim Sterling.

Ikkinchi bo‘limda esa tulkilar qandaydir 10 daqiqa ichida "Siti" darvozasiga 3 marta yo‘l topib, deyarli kambekni amalga oshirishdi. Gol mualliflari — Jeyms Meddison (55-daqiqa), Ademola Lukman (59), Kelechi Ixeanacho (65).

Keyin esa Gvardiola jamoasi 2ta gol urib, o‘yin taqdirini hal qilishdi. 69-daqiqada Emerik Laport o‘yindagi jamoasining beshinchi golini urgan bo‘lsa, 87-daqiqada esa Rahim Sterling "dubl"ni rasmiylashtirdi.

"Manchester Siti" ushbu g‘alabadan so‘ng o‘z ochkolarini 47taga yetkazib, peshqadamlikni mustahkamladi.

APL, 19-tur
Manchester Siti – Lester 6:3 (4:0, 2:3)
Gollar: 1:0 – 5 de Bryuyne, 2:0 – 14, penalti Mahrez, 3:0 – 21 Gyundogan, 4:0 – 25, penalti Sterling, 4:1 – 55 Meddison, 4:2 – 59 Lukman, 4:3 – 65 Ixeanacho, 5:3 – 69 Laport, 6:3 – 87 Sterling.
Manchester Siti – Ederson, Joau Kanselu, Laport, Ruben Diash, Zinchenko, Fernandinyo, Gyundogan, de Bryuyne (Foden, 71), Bernardu Silva, Sterling, Mahrez.
Lester – Shmeyxel, Vestergor, Amarti, Tomas, Tilemans (Chouduri, 71), Meddison, Dyuzberi-Xoll, Olbrayton, Peres (Kastan, 46), Ixeanacho, Lukman.
Ogohlantirishlar: Vestergor (45), Meddison (75), Fernandinyo (90).