"Челси" устози Томас Тухель Конор Галлахер ҳақида фикр билдирди. У "Кристал Пэлас" футболчиси ҳақида шундай дейди:
"Биз Конорни яхши кўрамиз. Биз уни ижарага кетишга кўндирган эдик. Чунки бизда шундоғам ярим ҳимояда етарлича футболчилар бор эди. Агар у қолганида ўз позициясида тўртинчи футболчи сифатида қаралар эди. Конор эса буни яхши тушунди ва имкон борида ижарага кетди.
Агар у "Челси"да қолганида ҳозиргидек бўлармиди? Менимча, йўқ! Шу сабабдан унинг қарори аввало ўзи учун, кейин эса клуб учун жуда фойдали бўлди. Унинг ўйинларини кузатаман. Конорнинг "Кристал Пэлас"да муҳим ўйинчига айланганини кўриб, жуда хурсанд бўлдим. Ишончим комил, у бир кун келиб, "Челси"га қайтади ва ҳозиргидек муҳим вазифани бажаради".
Эслатиб ўтамиз, "Челси" кеча "Астон Вилла"дан устун келган эди.