«ПСЖ» яримҳимоячиси Рафинья Алькантара бугун, 27 декабрь куни Испаниянинг «Реал Сосьедад» клубида тиббий кўрикдан ўтади.

Бразилиялик яримҳимоячи ижара асосида жамоага келиб қўшилиши кутиляпти. «Реал Сосьедад» футболчининг ижара муддати учун маошининг бир қисмини тўлайди. Бу ҳақда журналист Фабрицио Романо твиттерда хабар берди.

Маълумот учун, 28 ёшли Рафинья 2020 йилнинг октабр ойида «Барселона»дан 1,5 миллион евро эвазига француз клубига ўтган эди.

Жорий мавсумда яримҳимоячи Франция 1-лигасининг бешта ўйинида гол ура олмади. Унинг шартномаси 2023 йилгача амал қилади.