Бугун Наманган шаҳар, Давлатобод туманидаги “Ёш куч” стадионида Алишер Маҳмудов мураббийлик қилаётган “Навбаҳор-U-21” ёшлар жамоаси Усмон Асқаралиев ва Аъзам Ражаббаев мураббийлик қилаётган “Навбаҳор-U-18” жамоасига қарши ўртоқлик ўйини ўтказди. Мазкур баҳсда ҳар икки жамоа мураббийлари бир қатор ёш футболчиларни синовдан ҳам ўтказиб олишди.
Ушбу ўйинни “Навбаҳор” ПФК президенти Отабек Саматов бошчилигидаги клуб раҳбарияти, жамоамиз бош мураббийи Самвел Бабаян бошчилигидаги мураббийлар штаби бевосита стадионда кузатишди.
Мазкур назорат-синов баҳси голларга бой тарзда кечиб, унда дарвозаларга 7 та тўп киритилди.