Англиянинг «Манчестер Юнайтед» клуби бош мураббийи Ральф Рангник жамоа ярим ҳимоячиси Поль Погбани қачон майдонга қайтиши борасида фикр билдирди.
«Ҳозир у машғулотларга қайтиб, спорт формасини йиғиб олиши керак. Ўйлайманки, бу бир неча ҳафтани талаб қилади. Унгача эса мен бор эътиборимни қўл остимдаги мавжуд футболчиларга қаратаман», – германиялик мутахассиснинг сўзларидан иқтибос келтирмоқда «МЮ» матбуот хизмати.
Погба Франция терма жамоаси сафида жароҳат олиб келганди. У ноябрь ойидан бери майдонга тушмаяпти.