Лондоннинг "Челси" клуби ўз ҳимоячиси Антонио Рюдигер билан шартномани узайтириш борасида умидини узгани йўқ.
Todofichajes нашрининг тарқатган маълумотига қараганда, 28 ёшли германиялик футболчи янги шартномага кўра, "Челси"дан йилига 12 миллион евро маош талаб қилмоқда. Аввалроқ, "Челси" футболчига бундай катта миқдорда маош тўламаслигини билдирганди.
Рюдигернинг "Челси" билан амалдаги шартномаси келаси йилнинг ёзида якунига етади ва футболчи эркин агентга айланади.
Аввалроқ, Рюдигерга "Реал" клуби қизиқиш билдираётгани ҳақида хабар бергандик.