Қирғизистоннинг “Налоговик” ва БААнинг “Ал-Васл” жамоалари ўртасидаги баҳс драматик тарзда кечди.

Ўйиннинг биринчи бўлимидла яхши ўйнаган Амирлик футзалчилари 2:0 ҳисобида олдинга чиқиб олишди. Иккинчи бўлимда эса қирғизистонликлар бир амаллаб ҳисобни тенглаштиришди — 2:2. Ўйин тугашига 4 дақиқа қолганида “Ал-Васл” жарима зарбасини голга айлантириб, ҳисобда олдинга ўтиб олди. Шундан сўнг Зокир Жалилов майдонга бешинчи ўйинчини туширди ва бу тактика ўз самарасини берди — ўйин тугашига 24 сония қолганида “Налоговик” ҳисобни тенглаштирди.

Ўйин гўёки дуранг билан тугайдигандек кўринган пайтда, қирғизистонликлар бунга рози бўлишмади ва ўйиннинг сўнгги сонияларида ҳам бешинчи ўйин билан ўйнашга қарор қилишди. Бу эса уларга қимматга тушди. Амирлик футзалчилари учрашув якунига 3 сония қолганида ғалаба тўпини киритишган муваффақ бўлишди — 4:3.

Ушбу ғалабадан кейин “Ал-Васл” ҳисобидаги очколар сони 6тага етди ва улар 2-ўринга кўтарилиб олишди. Эртага, 23 март, соат 16:00да бўлиб ўтадиган “Ал-Васл” ва “Ар-Райян” клублари ўртасидаги ўйин ҳақиқий финалга айланади.

“АЛ-ВАСЛ” – “НАЛОГОВИК” – 4:3 (2:0)
Голлар: Ҳезам Сабрий (16), Жасим Султоний (18, 33), Абдулкарим Жамил (40) — Зокир Қосимов (29), Андрей Пестряков (31, 40)