Янги мавсумга тайёргарлик кўраётган жамоа қисқа муддатли таътилга чиқди.

20 декабрь куни бошланган машғулотларда футболчиларнинг жисмоний ҳолатини тиклашга эътибор қаратилди. Машғулотлар “Бунёдкор” академиясининг “тренажер зали”да ва майдонларида ўтказилди. Айрим сабабларга кўра, эртага ўтказилиши лозим бўлган назорат учрашуви бекор қилинди ва футболчиларга янги йилни яхши кайфиятда кутиб олишлари ҳамда тайёргарликнинг асосий босқичи бошланадиган январь ойидаги йиғинга қадар таътил берилди.

Аввал хабар берганимиздек, йиғинда 2021 йилги мавсумни “Бунёдкор” шарафини ҳимоя қилган ўйинчилар қатнашди. Шунингдек, якунланган йилни ижара асосида бошқа клубларда ўтказган тарбияланувчиларимиз ҳам жамоага қайтиб, тайёргарликнинг илк босқичини “Бунёдкор” билан ўтказди.