"Интер" бош мураббийи Симоне Индзаги ҳужумчи Лаутаро Мартинес ҳақида гапирди. Индзаги Мартинеснинг "нерадзуррилар" таркибида муҳим ўйинчи эканлигини таъкидлади.
“Лаутаро тўлиқ шаклланган футболчи. У масъулиятни ҳис қилади ва "Интер"нинг асосий ўйинчиларидан бири эканлигини билади.
Мартинес ҳар доим юз фоиз кучи билан майдонда ҳаракат қилади. Албатта, у майдонга тушмаса ёки биз уни алмаштиришимиз керак бўлганда жаҳли чиқади. Лекин мен буни мутлақо нормаль қабул қиламан. Лаутаро келажагини “Интер” билан боғлашга қарор қилганидан хурсандмиз", - деди Индзаги.
2021/2022 йилги мавсумда Лаутаро Мартинес А Серияда 17 та ўйинда майдонга тушди. У 11 та гол ва 2 та голли узатмани амалга оширди.