"Реал" ҳимоячиси Пепени 4 ўйиндан 12 ўйингача бўлган муддатга дисквалификация қилишлари мумкин.
Гап шундаки, португалиялик бу футболчи Испания чемпионатининг 29-туридан ўрин олган "Реал" ва "Вильярреал" жамоалари ўртасида ўйинни бошқарган ҳакам Парадас Ромерони ҳақорат қилган. Пепенинг фикрича майдон эгалари ҳакамларнинг ёрдамида гол уришган ва бир очколик бўлишган.
Парадаснинг ўйиндан кейинги протоколда хабар беришича Пепе кийиниш хонасига элтувчи тоннелда четлатилган. У ҳакамни "Талон-тарож қилдинг-ку, итвачча" дея ҳақоратлаган.
Эслатиб ўтамиз, Пепедан ташқари мадридликлардан Серхио Рамос, Месут Ўзил, Жозе Моуриньо ва унинг ёрдамчиси Руй Фариалар ҳам четлатилган.